話咁快就完咗書展兩日嘅簽書活動，我又一泡眼淚咁返咗嚟瑞典喇。
平時經常喺網上同大家互動、講鳩嘢就講得多，見到面又另一番感覺。尤其當見到大家企足幾粒幾鐘只為見自己一面，個樣攰到飛起，問起仲笑笑口咁話：「唔攰，值得嘅。」。當有讀者同我講我嘅故事為佢帶嚟有咩影響。當我見到一張張熟悉嘅舊面孔、新面孔，同平時我stalk開，終於見到真人嘅面孔。當我見到你手震震。當我見到你講到眼濕濕……雖然我表面非常冷靜，其實內心好撚感動好撚想喊。
想同同我面對面交換真誠嘅數百個靈魂講聲多謝，亦想同截龍後簽唔到嘅讀者講聲唔好意思。最近我都感到非常無力，不過我會繼續多啲同大家分享生活，分享快樂，等大家有多啲能量可以繼續行落去，一齊行落去！我愛你我愛你我愛你，願我七老八十還記得你。
P.S. 新書呢幾日會陸續登陸各大書店，不過可能要等多幾日先拆箱開賣。特別推薦大家去誠品買，因為我將會喺佢地度搞簽書會。誠品簽書會日子待定，會再update大家。
Search